FG Don Unveil New Plans To Fight Food Shortage

Federal Government don launch new agricultural reforms wey go help end hunger, boost food production, and reduce post-harvest loss wey don reach over $10 billion every year. Di Minister of Agriculture and Food Security, Senator Abubakar Kyari, and Minister of State, Senator Sabi Abdullahi, announce di plan on Thursday as part of President Bola Tinubu’s Renewed Hope Agenda for food security. Kyari talk say agriculture still be di backbone of Nigeria economy and key to national renewal. E explain say di new reforms go end hunger, ensure food sufficiency, and cut down di heavy losses for di nation’s value chain. According to am, government dey deep into mechanisation, irrigation, and better storage systems to make food plenty for every Nigerian home. Kyari also reveal say President Tinubu don approve ₦1.5 trillion recapitalisation for di Bank of Agriculture and ₦250 billion support fund for smallholder farmers, to make mechanisation and financing easy across di country.

Kyari mention programmes like di National Agricultural Growth Scheme–Agro-Pocket, Renewed Hope Agricultural Mechanisation Programme, and Nigeria Postharvest Systems Transformation (NiPHaST) wey go strengthen storage and reduce waste. E also confirm say National Strategic Grain Reserve Silos for Zamfara, Katsina, Niger, Adamawa, Osun, Edo, and Kwara don dey upgraded to stabilize food prices. On im part, Minister Sabi Abdullahi talk say government dey push climate-smart and inclusive farming to fight hunger and malnutrition under Tinubu’s Renewed Hope Agenda. E mention initiatives like di 500,000-hectare Dry Season Project, Every Home a Garden Initiative by First Lady Oluremi Tinubu, and di Nigerian Farmers’ Soil Health Scheme. Di overall goal, according to Abdullahi, na to reduce food importation, build market confidence, and make Nigeria one of di top food suppliers for West Africa. For decades, agriculture don sustain millions of Nigerians, but bad infrastructure and low mechanisation don hold di sector back, government say dis new move go change di story.