I Want Make Ibrahima Konate Remain For Liverpool FC

By: Rilwan Agbomeji

Liverpool FC Coachie, Arne Slot, don talk say e dey ready to do everything within im power to make Ibrahima Konate remain for Anfield.

Di 26-year-old France defender dey for di last year of im contract wey e sign for 2021 when e join from RB Leipzig for £35 million deal.

Konate face tough period dis season both on and off di pitch, especially afta di death of im papa, but e bounce back well when e return from compassionate leave against Newcastle United.

Speaking before FA Cup match against Brighton & Hove Albion, Slot clear am say Konate still dey very important for im future plans.