Lagos Police Kpai Jaguda Boys, Seize Hard Drugs And Weapons For AGO/FESTAC

Lagos State Police Command don go gbab five suspects wey be members of Aiye cult, say dem run di package for dia normanl  stop-and-search for Ago/Festac Bridge axis.

Di Operatives gbab Emmanuel John and David Godwin inside one Toyota Camry with hard drugs, and di touch lighting of dis guys naim con lead to  police arresting Samuel Owubokiri, Adetona Seyi, and David Chigozie.

Police search recover dangerous items from di jaguda boys, including two machetes, one battle axe, military camouflage, 500 SIM cards, laptops, and more hard drugs.

Senior man, Commissioner of Police, CP Tijani Fatai, warn say police go continue to fight cultism, even as he beg residents to dey alert and report any suspicious movement to command.