Make Una Giv Independence To Revenue Agencies –  Sanwo Olu

Govo Babajide Sanwo-Olu don tell other state govos say make dem give State Internal Revenue Service chairmen free hand to work well, so dat revenue for state go increase for development across di obodo Naija.

Im say if dem empower di revenue agencies, taxpayers go get more confidence and staff go fit do their work without wahala.

Di govo talk dis one on Wednesday when Joint Revenue Board come pay am courtesy visit for Lagos House, Marina, where dem also declare open di 159th Board Meeting wey hold for Lagos.

Sanwo-Olu talk say Lagos don fully enter di new national framework, and say dem ready to share everything wey dem don learn give other states and di Board.