Mohbad Widow Wunmi Yab Her Papa-in-law Lawyer Withdraw From Di Case

Wunmi, di wife of late singer Ilerioluwa Aloba wey everybody sabi as Mohbad, don react to di gist wey talk say her papa-in-law, Joseph Aloba, lawyer don withdraw from di court case wey demand DNA test for her pikin, Liam. Joseph Aloba bin talk say he wan make dem do DNA to confirm whether di small boy wey Mohbad leave behind truly be im son.

For post wey Wunmi drop for her Instagram page dis morning, she talk say di lawyer wey just withdraw from di case na Senior Advocate of Nigeria (SAN). She still yarn say even if her papa-in-law like make he carry all di lawyers for di whole world, e no go fit manipulate di DNA result. According to her, truth no dey hide, and di real result go always show no matter who try to twist am.