Nigeria Economy Don Record Strong Growth — Edun

Minister of Finance and Coordinating Minister of di Economy, Mr. Wale Edun, don talk say Nigeria economy dey witness progressive growth. Edun yan say di Nigerian GDP grow 4.23 percent for Q2 2025, wey be di highest quarterly figure for ten years outside di post-COVID era. Dis report come as President Bola Tinubu swear-in two new ministers from Enugu and Plateau states Dr. Kingsley Udeh, SAN from Enugu and Dr. Bernard Doro from Plateau. Udeh replace Chief Uche Nnaji, wey resign over alleged forged certificate, while Doro take over from Prof. Nentawe Yilwatda. Di exercise follow Federal Executive Council meeting wey Tinubu preside over, and Tinubu commend Edun over di steady economic growth, saying global confidence still dey Nigeria despite political wahala, citing di oversubscription of $2.3 billion Eurobond as proof.

Edun report further show say, up from nine in di previous quarter, and di industrial sector nearly double from 13 sectors grow above 7 percent 3.72 percent to 7.45 percent, showing rising productivity and investor interest. Inflation don reduce to 18 percent last December, while foreign reserves pass $43 billion and trade surplus climb to N7.4 trillion, signalling strong external buffers. New data show Nigerians dey spend half of dia income on basic needs instead of 90 percent before, showing better living standards. He also talk say Nigeria removal from FATF grey list boost confidence for financial sector as IMF and World Bank recognize reform momentum with upgraded growth projections and improved credit ratings. Di administration dey drive reforms to create jobs, boost economy and lift millions out of poverty.