NURTW Member Don Scatter Dispatch Rider, Beat Am Till E Die

Lagos State Police Command don confirm say dem arrest one NURTW member wey dem call Shamsideen Adio, because e allegedly beat one dispatch rider kpafuka for Tapa Street, Lagos Island. Findings show say di wahala happen on Wednesday after Shamsideen Adio and di dispatch rider enter serious fight. im accuse di rider say e scratch Adio vehicle. Di matter come carry go violence. One journalist, Chris Nwandu, wey share video of di incident for Facebook, talk say Adio, plus im colleagues, no gree rest till dem scatter di rider and e collapse. According to am, “One popular Lagos Island NURTW top oga, Shamsideen Adio, beat dispatch rider anyhow just because di rider block him road.

E join body with him friends and colleagues, begin beat di poor man anyhow as dem like. E don already get bad name for always attack keke riders, and e just recently send one go hospital after di same kind beating. As SP Abimbola Adebisi, wey be spokesperson for Lagos State Police Command, no fit talk as at press time, one senior police officer wey sabi di case confirm say di dispatch rider don die.Di victim die because of di injury wey e get from di beating. Di suspect don already dey under arrest and dem don transfer am go State Criminal Investigation Department, SCID, for further investigation,” na wetin di officer talk be that.