Peter Obi Slam FG Over Passport Fee Hike – Say Wahala Wey Nigerians Dey Face Don Reach Legendary Level

Peter Obi don criticize the increase in passport fees by the Federal Government, E say the new cost don pass wetin workers dey earn every month and e still make life harder for ordinary Nigerians. The Labour Party presidential candidate for 2023 elections, Peter Obi, talk say the Tinubu government dey intentionally put more burden on the people. Obi react after Nigeria Immigration Service (NIS), raise the price of 32-page passport booklet to ₦100,000, and the 64‑page version to ₦200,000. For statement wey e post for him X page, Obi describe the new charges as outrageous and say dem no connect with how wahala dey for country.

Obi point out say na the third time dem don increase passport fees within just two years, and say Nigeria fit be only country wey passport cost pass worker monthly pay, since new minimum wage na just ₦70,000. According to am, instead of making life easier, the government still dey shift more wahala onto ordinary Nigerians. E talk say e dey alarming make passport price dey higher than worker’s monthly income.