“We Go Defeat Terr0rism” – Tinubu Tell US

President Bola Tinubu don assure United States say him government dey fully committed to defeat terr0rism for Nigeria. Di assurance come on Thursday, November 6, for Abuja, as response to security wahala wey President Donald Trump raise. Tinubu talk say despite political gbege wey dey, him administration go still dey engage dia international partners well-well. Di statement follow the swearing-in of two new Ministers and one positive update from Minister of Finance and Coordinating Minister of the Economy, Wale Edun, wey yan say Nigeria economy dey grow well, as di Gross Domestic Product (GDP) don grow 4.23 percent for second quarter of 2025  di highest quarterly growth wey Nigeria don record for ten years outside di post-COVID recovery time.

Tinubu link di economic achievement to di country’s wider determination, talk say, “Di main tin be say despite political headwind and fear wey dey among our people, we go still dey engage our partner. Di success of di 2.3 billion bond wey oversubscribed na di most wey don happen for dis stage. We dey engage di world diplomatically, and we assure all say we go defeat terr0rism for di country.” Di President still stress say government sabi di heavy work ahead, but dem dey determined to move Nigeria forward with unity, purpose, and di Renewed Hope Agenda to build prosperous, inclusive, and resilient nation.