BREAKING: Bayelsa Gov Douye Diri Don Dump PDP

Gov Douye Diri of Bayelsa State don finally dump di Peoples Democratic Party (PDP) on Wednesday for Bayelsa State Government House, inside di exco chamber. But as e drop di bombshell, e no talk which party e go join next. Di move no shock alone, as 23 members of di State House of Assembly, with dia Speaker as leader, stand gidigba behind am to support di decision. Na big political shake-up be this for Bayelsa.

Diri’s waka comot from PDP happen just 24 hours after Peter Mbah, di Enugu State Governor, sharply dump PDP join di ruling All Progressives Congress (APC). As e be so, e dey clear say something dey cook for inside politics, and many dey wonder wetin go happen next. Diri still dey play him card close to chest, but di game don dey hot for Naija political table.