LASTMA Warns Churches And Others: No Block Access Roads This Festive

Di Lagos State Traffic Management Authority (LASTMA) don warn residents, community custodians, religious bodies, party organisers and other socio-cultural event planners make dem no block access roads before, during, or after events for di festive season across di state. Di Agency lament say plenty celebrants, worship centres, and event planners dey annex critical road corridors, dey cause traffic jam, safety wahala, and serious inconvenience to law-abiding motorists. LASTMA talk say all roadways, whether main roads or inner streets, na public asset and nobody suppose use am for private festivities or religious gatherings. Owners of event centres, clubs, lounges and recreational facilities for high-traffic areas like Ikoyi, Victoria Island, Lekki and Shongotedo don been instructed make dem arrange proper parking or dem go face enforcement, sanctions, or even closure.

LASTMA General Manager, Olalekan Bakare-Oki, during weekend inspection tour across major traffic-prone areas, talk say LASTMA go increase patrols, improve visibility and use proactive traffic management to stop road obstruction, illegal parking and other traffic violations. Him appeal to residents and event organisers make dem get proper approvals, organise well, and cooperate with LASTMA and other government agencies to make di festive season safe and free-flowing. Bakare-Oki also say di Agency don improve rapid response to emergencies, traffic incidents, and broken-down vehicles. LASTMA toll-free hotline, 080000527862, dey fully operational for public, especially motorists wey need urgent road traffic assistance.