“My Wife Pregnant, Dem Wan Chop Am” – Edo Couples Cry

One Nigerian couple wey dem kidnap from Aviele Community near Auchi, Edo State don cry out for help. Dem abductors record one chilling video wey show di couple dey beg for help, dey ask dia family, friends and well-meaning Nigerians to pay di N50 million wey dem dey demand.

Di husband fear sotay im talk say, “Please help us. Help us…my wife don pregnant and dem wan sleep with her. Please help us…Our family don fit raise only N7 million, but dem dey demand N50 million.” Di gunmen dey threaten to fire shot if dem no pay. Activist Harrison Gwamnishu get di video from di family and share am for social media. E also share another video from one relative of di couple wey tell how dem kidnappers take dem. Di relative talk say di man don just land house wen di gunmen, wey dem talk say na Fulani herdsmen, invade dia compound, carry dem go one nearby bush.