Okpebholo Address Marras On Di Shops Wey Jaguda Boys Burn For Ekpoma

By: Esther Ayoola

Following di Badness wey sup for Ekpoma over di weekend, Edo State Govo, Senator Monday Okpebholo, on Tuesday don drop promise, say di state gorment go hellep rebuild di shops wey fire burn for Ekpoma Police Division, for Esan West Local Government Area.

Okpebholo tuk dis one when e visit di police station to assess di damage to di shops wey Police Officers Wives Association build.

According to statement wey im Chief Press Secretary release, di gorment go intervene sharp-sharp and increase security to stop further attacks.

Di governor say di move na because di fire incident and recent attacks for Ekpoma show say di violence dey coordinated and dey worry di state.