Appeal Court Back Senate, Say Suspension Of Natasha Dey Right

By: Esther Ayoola

Court of Appeal for Abuja don tuk say Senate no do anything wrong when dem suspend Senator Natasha Akpoti-Uduaghan wey represent Kogi Central because of misconduct.

Three judges wey sit for di case agree say her parliamentary privilege and constitutional rights nor spoil as Senate suspend am.

But di court cancel di contempt case and di ₦5 million fine wey dem give her over di satirical apology wey she make to Senate President Godswill Akpabio.

Justice Abba Muhammed wey lead di judgment say Senate President no do wrong to stop her from tuking dat day because she no sit for di official seat wey dem give am during plenary on February 20, 2025.