Man City Beat Arsenal 2-0 To Carry League Cup

Manchester City don win dia first trophy for dis English season as Nico O’Reilly score two goals for di second half to hellep dem beat Arsenal 2-0 for di League Cup final.

Arsenal wey be Premier League leaders come as favourites, but power pass favourite for Wembley stadium.

Di first half no too get action, but O’Reilly first goal come after Arsenal goalkeeper Kepa Arrizabalaga fumble.

Four minutes later, O’Reilly score again from Matheus Nunes cross, settle di matter as Arsenal try but no fit find di net.