Doctors Threaten To Enter Strike Over Colleague Attack For Ogun

By: Esther Ayoola

Nigerian Association of Resident Doctors don raise alarm on Tuesday say danger don dey increase for health workers safety for Naija.

For statement wey dia Presido, Mohammad Usman Suleiman, sign, dem say, di latest attack hapun for Olabisi Onabanjo University Teaching Hospital.

NARD condemn di act, say di attack na shocking and barbaric act wey violate human dignity and endanger doctors for work.

Dem explain say na one female house officer dem attack after dem identify am as part of team wey dey treat patient wey later kpai for Accident and Emergency unit, warning say if gornment no act fast, e fit cause bigger strike for health sector.