News House of Representatives scata as lawmakers clash to summon President Tinubu

By : Jolayemi Olajide

Di House of Representatives bin turn to warzone on Wednesday after lawmakers quarrel sake of one motion wey dey ask make President Bola Ahmed Tinubu come explain him side for di Green Chamber.

Benedict Etanabene wey be lawmaker for Delta State bin raise di issue because of one circular wey di Accountant-General Shamseldeen Ogunjimi send out on June 29.

Etanabene argue say di matter too serious and na only di President go fit provide correct answer to all di wahala wey dey ground.

Dis motion cause big fight inside di House as some members support di call while others dey shout say to summon di President dey against dem constitutional process.