Tobi Amusan Open Up, Say Injury Carry Am Enter Commonwealth Final

By: Esther Daniel

Nigeria hurdles queen Tobi Amusan don reveal say knee injury wey she pick from training camp fall disturb her before she enter 100m hurdles final for Glasgow Commonwealth Games.

Amusan yarn say di injury make her dey doubt if she go fit compete well before Thursday race, as she battle to recover on time.

Di world-class sprinter still push through di pain to grab bronze with 12.60 seconds, while Bahamas’ Devynne Charlton snatch gold with 12.33 seconds and Jamaica’s Megan Simmonds collect silver with 12.41 seconds.

Di defeat end Amusan dream of becoming di first woman to win three straight Commonwealth 100m hurdles gold medals after she rule di event for 2018 and 2022.