Presido Tinubu Assure Nigerians Say Nigeria Dey Move From Reform To Prosperity

Wi oga Presido, Bola Ahmed Tinubu don konfamate to Nigerians say di series of economic reforms wey government introduce go surely bring better days.

Tinubu give di assurance for im address to di nation on Thursday, October 1, as Nigeria dey celebrate 66th Independence Day.

Tinubu say di reforms no weaken di economy as many pipu believe, and e assure Nigerians say di promises wey e make dem dey gradually fulfill.

E say when im administration enter office, dem decide to do things differently and tackle di major problems wey dey affect di country, and dat di reforms hard and di side effects real, but Nigerians no suppose mistake di medicine for di sickness.