APC Talk Say Dia 2027 Primary Election Dates Still Stand, Nothing Don Change

By: Jolayemi Olajide

All Progressives Congress don clear air say dem never change dia timetable for 2027 primary election, as dem talk say all di dates wey dem announce before still stand gidigba.

For statement wey party spokesman, Felix Morka sign on Wednesday night, APC talk say, House of Reps primary go hold on Friday, May 15, 2026, Senate primary go hold on Monday, May 18, 2026.

State House of Assembly primary go happen on Wednesday, May 20, 2026, Governorship primary na Thursday, May 21, 2026 and Presidential primary still dey fixed for Saturday, May 23, 2026