Atiku Fire Back! Say Obasanjo Dey Play Politics With Old Impeachment Story

By: Yusuf Abuh

ADC presidential candidate and former Vice Presido Atiku Abubakar don reject former Presido Olusegun Obasanjo allegation say e give late House Speaker Ghali Umar Na’Abba money to begin impeachment plot against am, as im media aide Phrank Shaibu release statement on Friday describe di claim as political game ahead of 2027 election.

Atiku tok say di allegation na attempt to spoil im name and give unfair political advantage to candidate wey Obasanjo allegedly support, insisting say Nigerians no go allow old accusations distract dem.

Di former Vice Presido challenge Obasanjo make e openly declare who e dey support for di 2027 election instead of using allegations wey no fit be verified again because di late Na’Abba no dey alive.

Dis reaction come after Obasanjo accuse Atiku say e allegedly give late Ghali Umar Na’Abba ₦5 million to kick-start impeachment plot against am during im first term as Presido.