Carter Efe Vow Say E Go Beat Speed Darlington For Ring

Nigerian content creator Carter Efe don vow say e go beat entertainer Speed Darlington when dem enter ring on October 1, tok say na because Speed dey talk about Burna Boy anyhow.

Carter tok dis one for heated face-off with Speed ahead of dia celebrity boxing fight wey go hold for Federal Palace Hotel, Lagos.

For di face-off, Speed Darlington tell Carter say na beating e go use beat am, as both men dey yarn hot yarnings giv diasef.

Carter fire back, dey ask why Speed dey stay close to bouncer, kon tell am make e face am one-on-one without bouncer, say e wan show am say e still be 24-year-old boy wey no dey fear anybody.

Carter also claim say Speed no fit expose am because na im dey hold pipo secrets, say di main reason wey make am wan beat Speed na because Speed allegedly call Burna Boy gay, add say if nobody stop am now, e fit tok di same thing about Davido.

Carter say e no just wan win di fight, e wan beat Speed reach point wey e go disgrace am, as dia ‘Chaos in di Ring’ boxing fight go happen October 1.