Listeners:
Top listeners:
play_arrow
KonfamFM 89.5 We Dey For You
Wi oga Presido, Bola Tinubu say Nigeria don overcome all di economic wahala under im gornment. Im yan dis one for Presidential Villa, Abuja, when im host religious and traditional leaders for interfaith breaking of fast. Say like dis, state govos no dey run go bank again to take loan to pay workers salary, say, indeed all im reforms dey work wella.
Ondo state govo, Governor Lucky Aiyedatiwa don sama warning say any pesin wey dey sponsor terrorism or kidnapping wey dem go catch go face prosecution. Im tuk dis one wen e meet leaders of Miyetti Allah Cattle Breeders Association of Nigeria (MACBAN) for im office for Akure, Ondo State. Aiyedatiwa still say e dey worry am say one community don get three kidnapping cases for just two months, and dats […]
Di Nigerian Railway Corporation (NRC) say, dem go investigate, after dem hear say Jaguda boys beat lecturer for University of Ibadan, Dr. Mikail Abdussalam, for Obafemi Awolowo Train Station, Moniya, Ibadan. NRC Managing Director, Dr. Kayode Opeifa, put for statement on Tuesday say, harassment or any bad treatment of passengers no dey acceptable railway business. Opeifa say anybody wey do anyhow wey dem catch go face disciplinary action according to […]
Senate Presido, Godswill Akpabio don congratulate Nigerian women as di world mark International Women’s Day, hail dem for dia strength and di big sacrifices wey dem dey make for family and society. For statement wey im media tuk tuk Eseme Eyiboh release, di Senate President talk say Nigerian women dey try well well every day to build better society and support dia families. Akpabio talk say im na big beneficiary […]
Chief of Army Staff, Waidi Shaibu, don assure pipo wey dey communities wey bandit dey attack for Benue State say make dem stand fit, say dem dey tidy security wella. Shaibu tuk dis one during im first operational visit to army formations for Makurdi. E reveal say dem don already deploy more soldiers join di ones wey dey ground to support di operation. According to am, di extra troops go […]
Kano State House of Assembly don start impeachment process for Deputy Governor Aminu Gwarzo, dem dey accuse am say e dey misuse office. Dis yawa dey sup after Governor Abba Yusuf kawa go join All Progressives Congress from New Nigeria People’s Party. Di Majority Leader, Lawal Dala, carry di motion come for plenary wey Speaker Ismail Falgore dey lead. Dala talk say dem dey do am follow Section 188 of […]
According to update from wi international airport say wi oga Presido Bola Ahmed Tinubu no really cancel di cashless policy wey Federal Airports Authority of Nigeria (FAAN) introduce, but say, make dem adjust am to make life easy for Nigerians. U sabi say for FEC meeting on Wednesday, Aviation Minister Festus Keyamo bin say, Baba Seyi order, make dem stop di policy immediately. Addressing tori pipo for Lagos on Thursday, […]
Four police officers don lose dia job after dem go involve demselves for di killing of seven traders for Owode Onirin market, Lagos, for August 2025. Lagos State Police Commissioner, Olohundare Jimoh, na im dey align di mata give tori pipo on Thursday, say dem take part for di unlawful killings. Jimoh explain dat, di traders dem kpai during fight wey hapun between landgrabbers and traders for Owode-Onirin area. Jimoh […]
First Lady, Senator Oluremi Tinubu don charge state First Ladies to show workings, ensure say dem, dey hellep pipo wey nor too get and ensure economic stability. Mama Oluremi dey hammar dis mata for di first quarter meeting of di Renewed Hope Initiative coordinators on Thursday. she challenge dem make dem take bold action to hellep dia states.
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
