Keke Union Worker Kpai As Ticket Marras Turn Fight For Taraba

Taraba State Police don grab two suspects after dem allegedly stab one Keke union ticket collector kpai for Angwan Kassa Junction, Jalingo, on Wednesday, as fight over daily union ticket scatter everywhere.

Tori be say di union worker stop one Keke rider wey no buy di compulsory ticket, and as argument hot, one person pull knife stab am.

Di man later die from di injuries, and fear grip residents and commuters as people run comot for di area.

Police spokesperson, ASP Victor Mshelizah, say dem don arrest two suspects and investigation still dey go on before dem charge dem go court.