Presido Tinubu Cancel Ogun Trip, Waka Go Jos On Top Insecurity Marras

Oga Presido, Bola Ahmed Tinubu don cancel im Ogun trip wey suppose happen on Wednesday, make im first waka go Jos, Plateau State, to feel with victims of di gbege wey kpai at least 27 pipo for Angwan Rukuba district on Sunday.

Na Special Adviser to di Presido on Informate and Strategy, Bayo Onanuga, talk am for statement wey im sign on Wednesday.

Di move come after Tinubu and Plateau State Govo, Caleb Mutfwang meet for Aso Rock Villa on Wednesday evening, as di govo dey yarn am how security marras dey for di state.

But presido Tinubu go travel to Jos today to console di gornment and pipo of Plateau over di recent jaguda doings for Angwan Rukuba, Jos North.