Tinubu Tell North-Central Make Dem Join Body Fight Insecurity

By: Blessing Aminu

Presido Bola Tinubu don call traditional rulers, religious leaders, youths, women and communities for North-Central make dem join body wit gorment and security agencies fight insecurity.

Tinubu tok dis for 2026 North-Central Security Summit for Makurdi, Benue State.

Di Presido, wey SGF George Akume represent, tell traditional and religious oga make dem dey alert security agencies anytime dem notice danger.

E also beg Nigerians make dem share information wit security agencies and no hide criminals because of family or friendship.

Tinubu say everybody must join body make peace dey North-Central, because insecurity no dey know state boundary.