US Don Make Immigrant Visa Rules Harder Again

United States Department of State, DoS, don talk say from November 1, 2025, every immigrant visa applicant must attend their interview for the consular district where dem live or, if dem request, for their country of nationality. Right now, applicants fit choose where dem wan go for visa interview. But under the new rule, that flexibility don end. The DoS explain say the change na part of Trump administration effort to tighten immigration rules and increase oversight.

Wetin the new rule mean be say, All immigrant visa categories dey affected, including family-based and job-based visas, plus Diversity Visa lottery winners. “Rare exceptions” fit happen for humanitarian or medical emergencies, but dem no give details. For countries where U.S. embassies don close or visa services don pause, the DoS don choose other locations where applicants must go. Families fit wait longer, pay more for travel, and face wahala to get correct documents. U.S. companies wey dey sponsor immigrant workers fit still get delay and spend more money if workers gats travel go another country for interview. The DOS talk say “most people no go get their interview canceled or moved,” but lawyers don advise families and companies make dem plan well to avoid wahala.