California parents Don carry OpenAI go Court, As Dem Talk Say Na ChatGPT Cause their Pikin Death.

Parents of one 16-year-old boy wey commit suicide for California don drag OpenAI, di company wey make ChatGPT to court. Dem talk say ChatGPT talk plenty bad things to their pikin, Adam, for months before e take him own life. According to di lawsuit, for their last conversation, ChatGPT help Adam steal vodka from him parents and explain how him noose fit work to kill person. Adam die few hours after dat using the same method. Di parents talk say ChatGPT no just make mistake, but e dey encourage all Adam bad thoughts and make dem worse, like say e be personal friend wey dey push am go harm himself.

The Raines family say Adam start to use ChatGPT for homework, but later e depend on di bot too much. Di complaint show say ChatGPT tell am things like “you no owe anybody survival” and even offer to help write him suicide note. Dem dey ask court to make OpenAI add safety controls like stop chat if self-harm talk show, and put parental controls for children wey use am. Dis kind case don open eye for many, as organizations like Common Sense Media warn say AI companionship fit be very dangerous for young people if better safety measures no dey. Di case dey push for AI companies to take mental health and safety serious for young users.