UNGA 80: Tinubu No Show Fit Be Strategy – Trump Fit Embarrass Am For Nothing, Ex-NIIA DG Talk

Prof. Akinterinwa, former Director-General of the Nigerian Institute of International Affairs (NIIA), don talk say President Bola Tinubu absence from the 80th United Nations General Assembly (UNGA) for New York fit be strategic move to avoid any unnecessary embarrassment from former US President, Donald Trump. As e dey, Akinterinwa explain say even though Vice President Kashim Shettima represent Nigeria for the summit, him no dey on the same level with heads of state, and say Trump wey be unpredictable person fit use style disgrace Tinubu. “In fact, the reason why Bola Ahmed Tinubu no go fit be part of strategy. Donald Trump na president wey no dey think well before action. After action na him e go reason,” he talk. “Trump fit find one kind excuse embarrass our president for nothing, especially as Nigeria dey try run independent approach for international matters. Trump no dey like that. E wan always be number one for global politics,” Akinterinwa add.

‘Trump No Better Pass Tinubu’

The professor come still talk say even though e for better make Tinubu show face for the summit to stop speculations, e still believe say Tinubu na better and more calculated leader than Donald Trump. He talk say, “This na the second time wey Tinubu no go UNGA. But wetin really dey for him mind? The better thing for image na to dey there.” “If e dey there, who go come talk say Trump better pass am? Nobody. Tinubu smart pass Trump sef. Tinubu dey cautious and strategic for him decisions. But when you no show, people go begin talk anyhow,” he add.

Tinubu Warn UN: Reform or Become Useless

Meanwhile, for him speech wey VP Shettima deliver on his behalf for the UNGA 80, President Tinubu warn say the United Nations gatz restructure sharp-sharp or risk losing relevance as global matters don dey pass dem by. He talk say the UN don dey lose credibility because wetin dem dey talk and wetin dem dey do no dey match. “For all the plenty diplomatic grammar, the slow way wey UN dey do things don make many people look another direction. These days, the real action dey outside this hall, and the most important voices no even be heads of state again,” the speech read. President Tinubu also mention four major reforms Nigeria dey ask for, including permanent seat for Nigeria for the United Nations Security Council.