Senator Abiru Ginger Lagos Youth To Put Body For Politics

By: Esther Ayoola

Oga senator wey dey represent Lagos East Senatorial District, Tokunbo Abiru, don drop yarns, say Naija politics don change colour and dat na youths dey run di show now.

E yarn dis one as keynote speaker for Eko Youth Parliamentary Summit wey shelle for Lateef Jakande Auditorium inside Lagos State House of Assembly premises for Alausa, Ikeja.

Abiru ginger youths like motor battery, say make dem dey engage for governance and build good foundation for politics to influence di outcome of development.