Bayern No Go Sell Olise At All – Max Eberl

Bayern Munich don quickly shut down any gist wey dey fly about Michael Olise, as sporting director Max Eberl drop strong, message about di club stand on di French winger.

Eberl tell ZDF on Saturday say di Bundesliga champions no wan hear any offer for di 23-year-old attackers, say Michael Olise no dey for sale at all, not even for one second.

Di statement come as attention don dey grow around Olise after im strong impact since e join Bayern Munich.

Club management see am as key player for dia long-term attack plan, and Eberl comment na to kill any transfer gist before e even start grow.