Army Explain How NYSC Member Take Kpai Robbery Operation for Abuja

By: Esther Ayoola

Nigerian Army, through im Acting Assistant Director, Army Public Relations for Guards Brigade, Lt. Olawuyi Odunola, don konfamate say NYSC member Abdulsamad Jamiu sadly kpai during security operation against armed robbery for Abuja.

Di incident hapun for early hours of April 25, 2026 for Shagari Estate, Dei-Dei inside Federal Capital Territory.

According to wetin Army tuk, Guards Brigade Quick Response Group wey dey do routine night patrol hear distress call say armed robbers dey operate for di area, so dem quickly move enter action to respond.

Dem rush go di scene to protect residents and stop di robbery attack, but sadly Jamiu lose im life during di operation.