How Unknown Gunmen Kpai Lagos transport Secretary, Ijaya

By : Jolayemi Olajide

Nor be small tin oh, Lagos National Union of Road Transport Workers, NURTW Organising Secretary, Toba Ajiboye, wey people know as Ijaya wey do lose im life after unknown gunmen attack am for Ikorodu Road.

Report say the gunmen block im motor for night as e dey return from Fadeyi, come open fire and scatter the motor with bullets.

Though first report talk say Ajiboye survive with gunshot wounds, later information confirm say e die as a result of the injuries.

Lagos NURTW Chairman, Alhaji Mustapha Adekunle alias Sego, don express deep sorrow over im death and salute am as one loyal union leader.