Apc Oga Dem Link Up To Plan How Dem Go Win Election For Osun State

By: Yusuf Abuh

APC governorship candidate Bola Oyebamiji don drop update say South-West party leaders don meet inside Lagos State House, Marina on Monday evening to plan how dem go win di August 15 Osun governorship election.

Oyebamiji drop dis update for im  X page on Monday night to show how APC plan to align all dia campaign strategy before di election date.

Na Lagos state govo, Babajide Sanwo-Olu and Ondo Govo Lucky Aiyedatiwa host di high-level meeting inside Marina with Chief Bisi Akande and other party candidates to back Oyebamiji campaign.

According to di South-West APC top ogas, dem gather inside Lagos state house because dem want make sure say dem win di election inside osun State.