Iran Say Dia Missile Programme No Dey On Top Table

Gbege don finally drink water keep cup for inside di middle east as US Presido, Donald Trump and Iran Presido Masoud Pezeshkian sign one peace deal wey dem dey call Memorandum of Understanding, for early mormor on Thursday.

Dis deal go open door for fresh talks on top Iran nuclear programme and possible removal of sanctions wey dey affect Tehran.

But one major issue wey di deal no touch be say, dem no talk anything about Iran missile programme, wey be serious issue for US and Israel.

And Iran don make am clear say dia missile programme no go join any future peace talks with US, even after both countries agree to end dia war.