NDC Condemn Bandits Attack For Zamfara

By: Jolayemi Olajide

National Democratic Congress for Zamfara State don condemn di continuous attacks wey bandits dey carry out against innocent pipo for di state.

Di party spokesperson, Comrade Kassim Almustapha Kayatawa, tok dis one for statement wey dem release for Gusau, di state capital, under di leadership of Alhaji Surajo Garba Maikatako.

Di party tok say Zamfara pipo dey under siege and feel abandoned, as di continuous violence dey cause fresh pain and suffering every day.

NDC add say di situation for Dansadau don worsen enter serious anarchy, as reports to di party secretariat claim say armed bandits dey carry out deadly attacks with extreme cruelty.