Police Chief Say 2027 Election Go Secure

By: Kofoworola Olayinka

Naija Police Chief, Olatunji Disu, don assure Nigerians say police go make sure everybody vote safely during di 2027 election, despite kidnapping, terrorism and election violence wey still dey worry pipu across di country.

Disu tok am during one sit-down interview, saying police dey train officers well-well to handle election security and make sure voters fit cast dia votes without fear.

E also say pipu for northern areas wey violence don affect go still get chance to vote, as security agencies dey work to protect dem during di election.

Di Police Chief say police dey join hands with di military and other security agencies to maintain peace and make sure di 2027 election happen under safe and secure conditions.