Tinubu Dash Jang Pikin Big Aso Rock Position, Surprise Crowd for Jos

By: Jolayemi Olajide

Presido Bola Tinubu don appoint Yakubu Jang, pikin of former Plateau Gofnor Jonah Jang, as Senior Special Assistant for Office of di Presido, and Vice Presido Kashim Shettima announce am on Saturday during Chief Jang 80th birthday celebration and book launch for Jos, Plateau State.

Shettima tok say na on behalf of Presido Tinubu e make di announcement, as di appointment land for front of plenty top politicians, traditional rulers and important guests wey gather for di event.

Di high-profile celebration happen for Tamarald Event Centre, Jos, where former Presido Goodluck Jonathan, governors, federal and state gornment officials join celebrate Chief Jonah Jang milestone.

Di fresh appointment show say Tinubu administration still dey bring more political figures enter Aso Rock team as government dey strengthen ties with key stakeholders across di country.