Gunmen Scatter PVC Sharing For Osun, Carry Voter Cards Go

By: Esther Daniel

Some people wey dem suspect say na hoodlums storm one INEC PVC collection centre for Oyinlola DC School, Okuku, Osun State on Sunday and carry some packs of Permanent Voter Cards comot.

Witnesses tok say di men enter di place quietly before dem begin shoot for air, make everybody run for safety.

Di attack scatter di PVC sharing exercise as people wey come collect dia voter cards run different directions to save dia life.

One resident, Gbadebo, say di hoodlums go straight where INEC staff keep di PVCs and carry some packs before dem escape.