Ondo Gofnor give kidnappers, criminals 14 days to comot from forest

By: Ayobami Dada

Ondo State Gofnor, Lucky Aiyedatiwa, don give kidnappers and other criminals wey dey hide for di state forest 14 days to comot.

Di Gofnor Senior Special Assistant on Forestry, Bidemi Obayangban, make dis one known during interview with newsmen on Wednesday for Akure.

Obayangban say di order dey mainly target kidnappers and other criminals wey dey use di forest as hideout.

And e add say di move na part of efforts to make Ondo safer and allow legit business to grow, as security dey important for di state plan to develop di forestry sector and bring investors.