Listeners:
Top listeners:
play_arrow
KonfamFM 89.5 We Dey For You
By: Esther Ayoola Wahala dem say nor dey finish, say nor be small fight burst for Brazil during Campeonato Mineiro final between Cruzeiro and Atlético Mineiro after Cruzeiro manage win di match 1–0. Di trouble start for deep stoppage time when Atlético goalkeeper Everson rugby-tackle Cruzeiro midfielder Christian after dem clash as di keeper drop di ball. Everson even kneel for Christian face and shout for am, and na dat […]
By: Esther Ayoola Pope Leo di fourteen XIV say, worry dey wound am wetin nor good, as di war for Iran dey spread enter oda countries for di Middle East. E tuk say di fight wey don reach nine days since US and Israel attack Iran dey bring hate to di region. Oga Pope dey beg authorities, make dem stop di fight quick and start tuk for peace.
By: Esther Ayoola Lagos State Govo, Babajide Sanwo-Olu, say like dis Lagos state gorment do dey install new streetlights and fix broken ones for major roads and highways to make security stand fit for beta night movement E put dis one for im Facebook page, say the work na part of the Light-Up Lagos project wey dey in progress. Di Government teams don do installation for different areas for both […]
By: Esther Ayoola Court of Appeal for Abuja don confirm di judgment wey Federal High Court give, wey stop Independent National Electoral Commission (INEC) from recognizing di result of Pipos Democratic Party (PDP) national convention wey happen for Ibadan from Nov. 15 to Nov. 16, 2025. Di appellate court three-member panel tuk say di appeal wey PDP file no get merit at all. Dem say di Federal High Court judge, […]
By: Esther Ayoola Paris Saint-Germain manager, Luis Enrique, throw lamentation say im team PSG dey struggle wetin nor good dis season. Dem lose 3-1 for house against Monaco and Enrique say, dem too dey make plenty mistakes. E say dem need find confidence quick oh, before Champions League match wey dem get against Chelsea, make Chelsea nor go use dia eyes see shege.
By: Esther Ayoola Nigerian-American driver Ugo Ugochukwu don win him first FIA Formula 3 race for Melbourne. E start well, but for first corner, e drop go third behind polesitter Théophile Nael and Britain driver Freddie Slater. But di 18-year-old no carry last, e start dey pass dem one by one. By second lap, e overtake Slater and Nael for Turn 9, take di lead win di race.
By: Esther Ayoola Rivers United don continue dia moral fight to win dia second Naija Premier League title beating Bendel Insurance 3-1 for Adokiye Amiesimaka Stadium for Port Harcourt on Sunday. No goal for first half sha, but Chijioke na im head in a coner kick, putting Rivers ahead for 53rd minute. Douglas sti deliver assist for 81st minute, set up Wisdom Samuel making it two. Bendel Insurance score one […]
By: Esther Say Thousands of pipo ni enter street for many city all over di world on Sunday to celebrate International Women’s Day. For Rio, France, Spain and oda European place, demonstrators demand for women rights. Infact For Paris, one rape victim, Gisele Pelicot tell reporters say di march na to shine light on rape survivors and fight women equality. People for Spain sef march say make war for Middle […]
By: Esther Ayoola China foreign minister Wang Yi say China dey pin pillers to strengthen di kontri economy against global wahala. Wang, wey be member for Communist Party top council, drop dis one for journalists for Beijing on Sunday. Wang say, im don use im gbojero eye look di worldwide economy, say tins dey change like say tomorrow nor dey and ni make dem dey make plans for di future.
By: Esther Ayoola Son of late Supreme Leader Ali Khamenei, Mojtaba Khamenei, don become new Supreme Leader for Iran. Iran Assembly of Experts, 88 clerics wey dey choose Supreme Leader, ni pick am afta Ali Khamenei kpai for U.S.–Israeli strike. Mojtaba na hardline cleric wey get strong connection with Iran Revolutionary Guard Corps, and now, na aim go dey control of political matas, army, and strategic programs.
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
