Mbappe Enter Wahala As Chinese Companies Vex For Am

Real Madrid star striker, Kylian Mbappe enter palava with two big Chinese brands on Tuesday afta one video clear online where e look like say e joke about dem former leader, Mao Zedong.

For China, to joke about Mao wey be de country founding leader wey kpai for 1976 na big disrespect and total taboo.

Drinks giant Dongpeng tok say dem no dey tolerate anything wey go offend dia nation sentiment, so dem cut all tie with di 27-year-old France captain sharp sharp.

China top dairy producer Mengniu also drop de Real Madrid forward, wey before dis matter bin get millions of fans and huge support across Chinese social media.