Listeners:
Top listeners:
play_arrow
KonfamFM 89.5 We Dey For You
Hezbollah for Lebanon say dem don fire rocket and send drone to military base for south of Haifa for Israel. Dem say na revenge for Iranian oga Ali Khamenei wey kpai afta U.S. and Israel attack for Tehran. However, Israel tuk say dem don fire back Hezbollah for Lebanon and no go do wahala with dem. Lebanon PM Nawaf Salam say, im ready to protect im pipo to di fullest.
Global oil price don jump up afta jaguda pipo go attack at least three ship for Strait of Hormuz. UK Maritime Trade Operations Centre (UKMTO) report, na im dey report dis one say, di jaguda boys attack Two ship for Kena. Say dis one sef na based on say Iran dey strike back Middle East aftA US and Israel bomb Iran. Iran don warn say dem nor go allow any ship pass dia water. Experts like Saul Kavonic talk say […]
Remo Stars don finally break dia seven-game winless run, beating Katsina United 2-0 for Ikenne on Sunday. Haruna Hadi na di main guy, wey score di two goals afta di first half end 0-0. Coach Usman Abdallah, wey just take over last Thursday, enjoy im first big win with di team. Before now, Remo Stars never win since dem knack Ikorodu City 1-0 for January 14.
Arsenal don extend dia lead for di English premier league table, beating Chelsea 2-1 for Emirates Stadium. William Saliba score di first goal, and na im first goal since December 2024 put Arsenal first. Chelsea come equal with Piero Hincapie own goal afta Reece James fine corner. Before, Jurrien Timber con score di winning goal for Arsenal.
Lagos Gallery Weekend (LGW) don announce say dem go hold di 3rd edition of dia city-wide art show from March 5 reach 8, 2026, for Lagos, wey go spotlight di creative energy of di city. Director of LGW, Sunshine Alaibe, clear dis mata inside tuk tuk sitting for Ikoyi, say di theme dis year na “Art for All,” to make art accessible to everybody. Say pipo fit see beautiful art work inside 20 galleries across Yaba, Ikoyi, Victoria Island, and […]
Lagos State Gornment, say dem wan begin Phase I of di reconstruction of Ogunnusi Road from Ojodu Berger to Mobil Filling Station Junction for Ikeja and don arrange plans to manage traffic. Say di Phase I na 4.5 kilometre stretch, and dat di work go last from March 6, 2026 reach February 6, 2027, and no vehicle go fit enter di work zone. Motorists wey dey go Ijaye or Agege go now follow contraflow for Ojodu Berger bound carriageway. Another […]
Key joinbodi pipo don do meeting call for stronger way to prevent fight fight and bring beta security to Lagos state. Di meeting wey di Lagos State Police Commissioner, CP Olohundare Moshood dey present for register, explain policing, na so big names of di security mata put body for di meeting for Alausa Ikeja. Afta di meeting, oga police Commissioner tuk im mind oh wetin nor good, say na corperation dey make rice dey full pot and na so security […]
Flights don scatter everywhere, as thousands of passengers dey stranded as US and Israel attack on Iran make global air travel choke. Countries like Iran, Israel, Qatar, Iraq and UAE lock dia space for air as missile and strike action burst for Gulf region. Airlines from Europe, Asia and America cancel plenti flights as tension for Middle East still dey hot like fire. Iran sharpaly lock dia airspace until further notice as di gbege start, according to dia Civil Aviation […]
Iran launch fresh wave of missile and drone attack on Sunday, target 27 US military base for di region and Israel military headquarters for Tel Aviv, say na payback afta big US-Israel strike kill Supreme Leader Ayatollah Ali Khamenei. Iran army for statement wey dem show for state TV talk say dia air force bomb US base for Gulf countries and Kurdistan region of Iraq for different phases of operation. Iran state television konfamate say Khamenei, wey rule since 1989, […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
