Listeners:
Top listeners:
play_arrow
KonfamFM 89.5 We Dey For You
By: Esther Ayoola Italy Sport Minister Andrea Abodi like dis don wire di head of football federation to resign afta Italy miss World Cup again. Italy lose for play-off to Bosnia-Herzegovina and no enter di USA, Canada, Mexico World Cup dis summer. Football oga , Gabriele Gravina tuk say e no wan resign, but di board go meet next week to decide im marras. Abodi dey insist dat dem need to start rebuilding Italian football from ground.
By: Esther Ayoola Say Chelsea don record one kain big loss for Premier League, dat dem loss £262.4 million ($349.3 million) before tax for di last year wey end June 30, 2025. According to experts, say dis record pass di one wey Manchester City get for 2010/11 wey be £197.5 million. Last year, Chelsea bin make profit of £128.4 million because dem sell dia women team to Blueco Midco for almost £200 million. Authorities say, dis big loss hapun because […]
By: Esther Ayoola Tension don burst for Jos, Plateau State again, few hours afta di gornment commot dia 48-hour curfew wey dem put afta di Sunday night attack for Anguwan Rukuba. Eyewitnesses tuk say small-small wahala don start again for different part of Jos, however no bad report say person wunjur or kpai yet. Traders wey just start dia business today run because of fear, as everywia dey rowdy. Plateau State authorities sha don comment say make residents be calming […]
One ogbonge Abuja High Court on Wednesday don vacate di bench warrant wey dem issue for March 26 for Kabiru Turaki, a factional PDP National Chairmo. Turaki appear for court today, tuk say e return from outside di country, na him lawyer, Chris Uche SAN, yan am wetin dey play. Uche apologise to court say both him and Turaki dey respect court mata wella. Justice Peter Kekemeke grant di request and cancel di arrest warrant afta hearing di explanation.
Economic and Financial Crimes Commission don arrest one Abuja house agent, Hajia Adama Adamu, over alleged property scam of N288 million. EFCC tuk say dem catch Adama Adamu tru dia Ilorin zonal officers afta person send petition complain. Dem say, she collect di money from one Alhaji Tanko Yawale, promise say she go help am buy property for Abuja. But afta she collect di money, EFCC say she no fit provide correct documents for di property, make suspicion come rise […]
By: Esther Ayoola Former Kaduna governor Nasir El-Rufai don show face for Federal High Court Kaduna dis morning around 9 o’clock as dem continue hearing for im bail matter. Say di Court dey under heavy security as police and Department of State Services officers full everywhere. Yesterday, Justice Rilwan Aikawa shift di case because defence and prosecution lawyers get some legal wahala to settle. El-Rufai lawyers first tuk say make judge step aside, but later withdraw, while prosecution still oppose […]
By: Esther Ayoola Nigerian Association of Resident Doctors don raise alarm on Tuesday say danger don dey increase for health workers safety for Naija. For statement wey dia Presido, Mohammad Usman Suleiman, sign, dem say, di latest attack hapun for Olabisi Onabanjo University Teaching Hospital. NARD condemn di act, say di attack na shocking and barbaric act wey violate human dignity and endanger doctors for work. Dem explain say na one female house officer dem attack after dem identify […]
Lagos State Gornment don train over 1,000 students on how to use emergency numbers 767 and 112. Say na di Lagos State Command and Control Centre organise dis parrol dey tell di students across di obodo Lagos For statement wey dem release on Wednesday, wey LSCCC, Head Public Affairs, Yemisi Sule sign, say di training na part of effort to improve emergency preparedness and responsible behaviour. She sti add say gornment go continue to spread safety education for schools and […]
DR Congo don buy waka enter di 2026 world cup beating Jamaica 1-0 for extra time early Wednesday. Axel Tuanzebe na im score di only goal for di 100th minute, helping di Leopards secure dia World Cup ticket. Dis na DR Congo first World Cup since 1974, when dem still dey Zaire.
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
