Listeners:
Top listeners:
play_arrow
KonfamFM 89.5 We Dey For You
By: Alice Iduh Edo State Govo don appoint Dr Patrick Ebojele as new Chief Press Secretary to Govo Monday Okpebholo. Before dis new job, Ebojele dey teach as lecturer for Federal Polytechnic, Auchi. Di appointment, wey Secretary to di State Government, Umar Ikhilor, sign confirm on Thursday, go make Ebojele take over from Fred Itua.
By: Esther Ayoola Lagos State gorment don drop ogbonge update dat, second round of polio vaccination for childrenses go start from Saturday, December 6 to Tuesday, December 9, 2025. Di campaign say na Lagos State Primary Health Care Board with National Primary Health Care Development Agency, WHO, UNICEF and other partners dey run am to stop polio. Gorment talk say na follow-up after November 8, 2025 first phase, wey dem start after dem detect orphan circulating Variant Poliovirus Type Two […]
By: Rilwan Agbomeji Super Eagles Captain, William Troost-Ekong don explain why e retire ahead of 2025 AFCON. Di 32-year-old defender wey don dey carry Naija flag for almost ten years don officially waka comot on Thursday, draw curtain on im international wahala. Even though Éric Chelle put im name for di provisional AFCON list, Ekong talk say e no go follow because na now im feel say time don reach make younger boys carry di torch.
By: Esther Ayoola The Senate raise big alarm as lead poison don dey spread fast-fast for Ogijo, one heavily packed community wey sit for border between Ikorodu (Lagos) and Ogun East. Lawmakers on thursday no hide mouth, say na full-blown environmental and public-health disaster wey fit put thousands of residents for serious danger. Leading the yanings for the houz, Senators Mukhail Adetokunbo (Lagos East) and Gbenga Daniel (Ogun East) clear matter say na Matters of Urgent Public Importance, based on […]
By: Rilwan Agbomeji Labour Party 2023 Presidential Candidate, Peter Obi don drop mata for ground say di way all dis big politicians take dey spend money on top big big motor, na concern. Obi talk say for time wey Naija pipo neva chop, no gey job , dey fear kidnaping, ni senior political big names dey spend public money buy big big motor for political campaign, say e no good at all at all. Obi talk say real oga wey […]
By: Alice Iduh Akwa Ibom Police don grab five suspects wey dem say cook up and spread fake tori of kidnapping for Oron area, causing serious tension for di state. Commissioner of Police Baba Azare reveal di matter on Thursday for security meeting with youth leaders from all 31 LGAs, as him blast di suspects for di reckless stunt. According to am, na dem fabricate di fake gist say students for Oron Secondary School don kidnap, wey nearly scatter public […]
by: Alice Iduh Edo State House of Assembly don fire warning as di ad hoc committee wey dey investigate MOWAA and Radisson Hotel talk say dem get power to issue arrest warrant for former Govo Godwin Obaseki wey refuse show face. Di committee wey Governor Monday Okpebholo order make dem probe how government take pump N3.8bn into MOWAA and N28bn into Radisson Hotel, say di matter don serious pass play. Even after MOWAA management send message, the former govo snub […]
By: Rilwan Agbomeji Federal High Court for Lagos don order make dem dump one man, Uche Ezeh for Ikoyi Correctional Centre afta e confess say e try export 4.40kg cocaine and 11.50kg cannabis. Judge talk say e go siddon till December 12, 2025, until dem open di full gist, check all di facts, and drop final judgment for im head. NDLEA drag am for four-count charge, FHC/L/30/2025, and arraign am for front of Justice Chukwujekwu Aneke. Before dem even bring […]
By: Rilwan Agbomeji At least one person don kpai afta heavy fight burst between suspected Aiye and Eiye cult members for Awoyaya, Ibeju-Lekki, Lagos. Di fight burst from Monday enter Tuesday, and before people know wetin dey sup, one guy wey dem sabi as Pelebe don kpai inside di cult gbege. Videos just dey show show bodi online how di wahala, take scatter pipo for Awoyaya . Di video show am lying for ground, body no stable, as di whole […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
