Listeners:
Top listeners:
play_arrow
KonfamFM 89.5 We Dey For You
Ademola Lookman dey prepare body to become di only Nigerian wey go reach UEFA Champions League semi-final dis season as Atlético Madrid dey host FC Barcelona for dia important second leg quarter-final today. Atlético get two-goal advantage after dem win di first leg for Camp Nou. For Nigerian fans, all eyes dey on Lookman wey don score 5 goals and give 3 assists in 16 appearances since e join Atlético Madrid.
Jannik Sinner don win Monte Carlo Masters final, e beat Carlos Alcaraz 7-6 (7/5), 6-3 to carry im third ATP 1000 title dis year. Before dat one, Sinner complete “Sunshine Double” after im win both Indian Wells and Miami back-to-back. With dis achievement, e join Novak Djokovic and Rafael Nadal as only players wey don win four ATP 1000 titles one after another. Say like dis , Sinner dey prepare for Roland-Garros and Wimbledon Championships to continue im winning run.
Naija Attorney-General and Minister of Justice, Lateef Fagbemi, don share update say di Naija security problems, only federal gorment nor go fit run am, say men need to put hand. Im yan dis one for di 2026 Law Week of di Nigerian Bar Association, Sokoto branch. According to am, many serious security problems dey start normally start from local level, family palava and resource control. E call for strong community justice system and say make pipo revive idea of state […]
Lagos State Police Command don clear air on di rumour wey fly say cultist wan test dia power for Shitta, Akerele, Itire/Aguda and Ishaga area, say di report na false alarm. Dis one di police put for statement wey di police tuk tuk person, PRO Abimbola Adebisi release to tori pipo on Monday Say, CP Tijani Fatai don order heavy security presence, with plenty patrol and better monitoring for all those areas. PRO Abimbola Adebisi advise people make dem ignore […]
Say nor be small thin sup on Friday for Asa Awara Road near Ochia Autonomous Community, Imo State, dat unknown gunmen go kpai Eze Paulinus Ekwueme, di traditional ruler, im two brothers, driver and security aides as dem dey return from meeting. According to report, Di attackers open fire, kill dem, then burn dia bodies and di monarch official vehicle for road. Police tuk tuk, Okoye Henry naim explain dis mata to tori pipo on Monday, say, Imo State Police […]
Di United Kingdom gornment say like dis dey consider new law wey go stop children wey never reach 16 years from using social media. Prime Minister Keir Starmer put dis one news tuk on Monday, say im dey check things like time limit, app curfew and how platforms algorithm go be for di UK Childrensis. Say Platforms like Instagram and TikTok fit face stricter rules if di plan work. Starmer say, di main aim na to protect children health, sleep, […]
Prime Minister Benjamin Netanyahu don decide say Israel go support US President Donald Trump plan to put naval blockade on Iran, and say dem dey work closely with America. US military don announce say dem go start the blockade for all Iranian ports after tuks with Iran jam beta rock. Trump also tuk say dem go block the Strait of Hormuz, wey be very important trade route, until Iran open am wella. Di blockade go start 1400 GMT and go […]
For Ghana, say Premier League footballer Dominic Frimpong kpai afta armed robbers attack dia team bus on Sunday night as di team dey come back from away match for Ashanti Region. Di club Berekum Chelsea FC naim konfamate dis mata, say masked men wey carry guns and assault rifle open fire for di team bus, na so players scata. Ghana Police Service tuk say di incident hapun around 10:30pm for Ahyiresu-Kwame Dwumor Sreso road for Nyinahin District, and dem rush […]
Say Supreme Court of Naija go hear appeal on Tuesday for Abuja, where di court go decide mata wey involve leadership wahala of African Democratic Congress. According to appeal wey David Mark and im lawyer file, say make court hellep to stop execution of Court of Appeal ruling of March 12, so dat status quo go remain. Dem sti ask say make Independent National Electoral Commission no change ADC national leadership arrangement, as dem dey wait make court finish hearing […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
