Listeners:
Top listeners:
play_arrow
KonfamFM 89.5 We Dey For You
Former Chelsea and Arsenal defender William Gallas tuk say di only trophy wey Arsenal fit win dis season na di Premier League. Dem bin dey try for quadruple, but dem lose Carabao Cup final to Manchester City. Now, Mikel Arteta side, dey fight for Premier League, FA Cup and Champions League. Gallas say e no believe say Arsenal fit win all three trophies dis season.
Say Nigeria go play Portugal and Poland for big international friendly games for June. Super Eagles, wey just beat Iran 2-1 and draw 2-2 with Jordan for Antalya, Turkey, don dey ready for dis summer programme against European teams. Dem go face Poland for PGE Narodowy Stadium, Warsaw on June 3, before waka go Portugal for second friendly on June 10. Portugal don also konfam say Nigeria go be dia last opponents before dem enter di 2026 FIFA World Cup […]
Nigeria Football Federation (NFF) don inaugurate ogbonge Electoral Committee and Electoral Appeals Committee yesterday for their secretariat for Abuja. Dem pick 12 pipo for di two committees, as seven go serve for Electoral Committee while five go handle Electoral Appeals Committee work. Say na NFF president, Ibrahim Gusau, lead di inauguration dey yarn after dem approve di committees during last week Extraordinary General Assembly say na to stabilize naija football.
Say US and Israel don increase attack for Iran, dem target old medical research centre for Tehran, one bridge near di capital, plus steel plants. Dis one sef dey come after U.S Presido, Donald Trump promise Iran say im go take Iran back “Stone Ages.” For Iran military, say di war go continue until dia enemies shame and surrender.
US Presido Donald Trump don fire Attorney General Pam Bondi on Thursday for Washington, DC. Trump tuk for Truth Social say Bondi na “Great American Patriot” wey do beta work, but she gat move enter private sector. Trump con put im former personal lawyer, Todd Blanche, as acting boss for Justice Department to replace her. According to aproko from America, some supporters dey vex because of how Bondi handle the Jeffrey Epstein files, wey concern sex trafficking case and na […]
Di Economic and Financial Crimes Commission (EFCC) don tell Federal High Court for Abuja say dem wan court to take over di 57 properties wey get connection with former Attorney General, Abubakar Malami. EFCC, through dia lawyers Jibrin Okutepa (SAN) and Ekele Iheanacho (SAN), tuk say, pipo wey dey defend Malami never show good reason to cancel di earlier interim forfeiture order. Di mata involve Malami, Hajia Bashir Asabe, Abiru’ Rahman Abubakar Malami, plus some companies wey get link to […]
In response, INEC say dem nor go accept any jaguda doings to force Chairmo, Prof. Joash Amupitan, to resign. INEC Chief Press Secretary, Adedayo Oketola, put for statement on Thursday, say demand for Amupitan resignation na attack on di Commission wey dey independent. Di statement follow ADC call wey dey accuse INEC of favouring some political party and asking Amupitan to comot office. INEC explain say di claim of bias nor get foundation, especially as dem just follow Court of […]
African Democratic Congress (ADC) chairmo, David Mark, don call make dem sack INEC chairmo, Prof Joash Amupitan say, im nor know im work. E run dis one for one join body press conference wey dem run for Abuja yesterday, say INEC dey bias. According to David Mark, moral dey very, very, low, say Nigerians nor get confidence for Amupitan and all di national election, commissioners.
Nigeria First Lady, Senator Oluremi Tinubu, don launch National Community Food Bank Programme to fight hunger and malnutrition, and dat e go reach 500,000 households for first year. She explain for di meeting wey sup for Abuja say di programme, don already get over N65 billion support from gornment, and senior mehns from di country According to senator Oluremi, dem go run am through beta collabo with donors, development partners and gornment agencies as sustainable way to reduce food insecurity […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
