Listeners:
Top listeners:
play_arrow
KonfamFM 89.5 We Dey For You
Nigerian Football Federation (NFF) don enter William Osula matter, dey try convince am make e switch play for Nigeria national football team. Osula, wey dey play for Newcastle United for Premier League, fit play for Nigeria through im papa side. Di 22-year-old get Danish mama and French-Nigerian papa. Even though e don play for Denmark youth level before, e still dey show say im get strong link to Nigeria.
According to Financial Times report on Wednesday, at least 34 tanker ships wey get link to Iran still dey waka pass Strait of Hormuz for recent days, even though US dey block di Strait. But US Presido, Donald Trump sti talk say America “fully control” di Strait of Hormuz, and claim say di blockade strategy dey work well well. On April 13, US put blockade wey dem talk say go “totally jam” all sea trade wey dey enter and comot […]
Senator Oluremi Tinubu don launch “Energise Commercialisation Now” programme, wey go help turn research ideas to real money and industry for Nigeria on Thursday for Kano State. Di initiative na Federal Government plan to push innovation, attract investors, and boost production for all six geo-political zones. Di event wey carry theme “From Innovation to Industry” dey try close gap between ideas for school and research centres and how dem go enter real market and industry. Mrs Tinubu talk say Nigeria […]
Wi oga Presido, Bola Ahmed Tinubu don ask Senate make dem approve fresh $516.3 million loan from Deutsche Bank to take finance one road project. Di request dey inside letter wey dem read during plenary on Thursday to Senate Presido, Godswill Akpabio. According to di letter, di loan go fund Sections 1, Phase 1a and 1b of Sokoto–Badagry Superhighway, one major road project of about 1,000km, with 120km for current phase. Senate Presido, Godswill Akpabio refer di letter go Committee […]
Lagos State Government don warn residents across di state make dem fully join di monthly environmental sanitation wey dem fix for Saturday, April 25, or dem go collect wotowoto. Di Commissioner for Environment and Water Resources, Tokunbo Wahab, drop di warning for statement on Wednesday, say make residents for all five divisions of Lagos stay for house between 6:30am and 8:30am to clean dia surroundings. Im talk say residents suppose clean dia environment and clear all drains for front of […]
Govo Babajide Sanwo-Olu don tell other state govos say make dem give State Internal Revenue Service chairmen free hand to work well, so dat revenue for state go increase for development across di obodo Naija. Im say if dem empower di revenue agencies, taxpayers go get more confidence and staff go fit do their work without wahala. Di govo talk dis one on Wednesday when Joint Revenue Board come pay am courtesy visit for Lagos House, Marina, where dem also […]
Former England midfielder, Paul Merson, don talk say Arsenal fit go six points clear of Manchester City for di Premier League title race. Like dis like dis, Man City dey top table after dem beat Burnley 1-0 on Wednesday night. Pep Guardiola side just dey ahead of Arsenal on goals scored, as both teams get same points and same goal difference. Merson talk say Arsenal fit collect back di top spot if dem beat Newcastle for their match dis weekend.
Operation Hadin Kai Troops don fire back as jaguda boys try attack dem for midnight for military base inside Kukareta, Yobe State, as dem kpai 24 of di jaguda boys. Di gbege start early Thursday and e last for about three hours before soldiers overpower di jaguda boys. Media Information Officer for Joint Task Force, North-East Operation Hadin Kai, Lt. Col. Sani Uba, na im confirm di matter say di attack start small time after midnight and soldiers respond sharp-sharp […]
Ikeja Special Offences Court on Wednesday don sentence one yahoo boy, Ndidi Joshua Bobby, giv am 42 years of jail time for yahoo yahoo wey involve fake identity and dey use lie lie to collect money. Justice Olubunmi Abike-Fadipe na im give di judgment after court find am guilty. Na EFCC Lagos Zonal Directorate 2, Okotie-Eboh, carry di matter go court, as dem talk say di case involve stealing and fake documents marras wey dey linked to di €80,000 scam. […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
