Listeners:
Top listeners:
play_arrow
KonfamFM 89.5 We Dey For You
FCCPC don come out tuk on Friday for dia official X page say dem never ban airtime borrowing or data advance anywhere for Nigeria, as viral social media posts bin dey claim. Di Commission say those reports na false and misleading. Dem explain say people still fit use all telecom value-added services normal, and dat nothing don change.
Oga Govo of Lagos, Babajide Sanwo-Olu don wire ogonge congratulation message to former Inspector-General of Police, Alhaji Musiliu Smith (rtd), as e celebrate im 80th birthday. For statement wey im Special Adviser on Media and Publicity, Gboyega Akosile release, he hail Smith as person wey get selflessness and strong commitment to public service. Sanwo-Olu say Smith na visionary and well-respected elder wey serve Nigeria with full dedication. E also praise am say as IGP, E do im work with professionalism […]
Say Lagos State Ministry of Justice don free di four policemen and one developer, Abiodun Ariori, wey dem accuse of kpaing traders for Owode Onirin, Kosofe area. Directorate of Public Prosecutions tuk say di policemen act on self-defence, and no strong evidence dey to charge dem for manslaughter. Di victims kpai after di policemen, Musa Bala, Ahmed Abass, Ibrahim Kasimu and Ibrahim Garba, open fire during di incident. Report show say Ariori carry di policemen come from Nasarawa to enforce […]
Security operatives for Benue State don arrest seven suspects wey dem link to di kidnapping wey hapun for Otukpo Local Government Area. Police PRO, Udeme Edet, naim dey konfamate di mata for statement wey dem release on Friday. Recall say, di attack hapun on Wednesday when gunmen stop one Benue Links bus, rob di passengers and carry some of dem enter bush. Police tuk say na 14 people dem kidnap, though some reports say e fit reach 17, and one […]
First Lady, Oluremi Tinubu again don press tuk say national development go only work, when citizens joinbodi share values like love, tolerance, peace, sacrifice, compassion and service to humanity. She yarn this one on Friday for wia she go do inauguration of Odo-Noforija Ultra-Modern Central Mosque for Epe, Lagos State. She no dey there physically, she send message through her Senior Special Assistant on Public Affairs and Strategy, Wahab Alawiye-King take ru di mata. She still emphasize say Nigeria strength […]
French coach Herve Renard don lose im job as Saudi Arabia national team coach, just few weeks before 2026 World Cup go start. Di French man naim by imself dey konfamate dis development for interview on Friday. Renard, wey be 57 years old, come back to coach Saudi for second time for 2024, after carry dem go last World Cup and even beat Argentina that time. Before dis Saudi waka, Renard don coach big teams before, including Zambia and Ivory […]
Iran don talk say Strait of Hormuz dey fully open for all commercial ships to pass as ceasefire dey between Israel and Lebanon. Abbas Araghchi yarn this one for X, say as dem agree ceasefire, ships fit move freely for the remaining time. Dem also talk say make vessels follow the normal coordinated route wey Ports and Maritime Organisation of Iran don already announce. Di so called ceasefire wey dem say go last 10 days, still dey uncertain, as e […]
Monarchs from Ilaje Local Government Area for Ondo State don wire appeal letter wi oga Presido, Bola Tinubu make dem dis pipeline surveillance work touch everywia. Di traditional rulers under Ilaje Council of Obas tuk dis one inside letter wey dem send to President and sign by Secretary, Oba Obafemi Ogbaro, after dem meet for Igbokoda headquarters on Friday. Dem explain say di current central system dey limit community involvement and e dey create security gap wey fit affect oil […]
NSCDC Lagos Command spokesman, Afolabi Babawale, tuk say dem do small jet li burst one baby factory for Okuju, Ilado for Badagry on Wednesday night into Thursday morning after dem get tip-off about the illegal operation. Babawale explain say operatives raid di place, rescue 18 pregnant women and 10 pikin, and arrest the operators, Joy Okeke and Raphael Agwu. According to am, the victims wey dey between 18 and 30 years join the centre through Facebook offer, where dem promise […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
