Listeners:
Top listeners:
play_arrow
KonfamFM 89.5 We Dey For You
Wi oga Presido, Bola Tinubu don scata mouth again oh, say e no dey fear any opposition, as e describe dem as pipo wey just dey make noise and wey nor understand law. E yarn dis one during meeting with Renewed Hope Ambassadors leaders from all 36 states for State House, Abuja on Thursday. Say Na oga of APC govos group, , Hope Uzodimma, wey be DG of the ambassadors, naim carry im members go meet baba Seyi, and im […]
FCT minister Nyesom Wike don blast former VP Atiku Abubakar, call am serial contestant wey dey always lose election. Dis one come after Atiku tuk for interview say 2027 go be im last chance to run for president and label Bola Tinubu gornment as di worst. Na wia Wike go inspect project for Abuja, wike take answer Atiku, say di former vice presido norbi sincere man, with wetin e tuk about Tinubu gornment.
APC National Chairmo, Nentawe Yilwatda, don clear mata say nothing spoil if more politicians join di APC from opposition side. Im yarn dis one For one media chat wey happen for Abuja, Yilwatda say APC get solid system to manage different interests as membership dey grow. E still add say the party don already prove say dem sabi handle problems, so size nor mata at all.
Police for Benue don konfam say gunmen kidnap 14 passengers wey bin dey travel from Makurdi go Otukpo, and dat, most of dem na JAMB candidates. Di Commissioner of Police, Ifeanyi Emenari, clear tori pipo say di mata hapun on Wednesday night when dem dey inside Benue Links bus. Emenari add say police don mobilise DPOs and other officers for Otukpo area to try rescue di victims. E also konfam say one person manage escape from di kidnappers hand.
One 63-year-old senior man pastor, Chris Douglas, don chop life imprisonment dat, im nor fit defend imself before Lagos State Special Offences Court sitting for Ikeja, and dat im go rape church member daughter. Delivering judgment on Thursday, Justice Rahman Oshodi explain say Douglas, wey be General Overseer of Peculiar Generation Assembly Church, Oshodi, abuse im office. Say dat one mean say, im throwaway im members trust for sea water.
By Ebi Oboko Speaker of Lagos State House of Assembly, Mudashiru Obasa, don drop yarns, say Lagos go continue to push Nigeria economy forward, even though Abuja naim be di Federal Capital Territory. E yarn dis one when e receive new leaders of Lagos Chamber of Commerce and Industry wey Leye Kupoluyi lead come pay am courtesy visit for Assembly. Obasa explain how Lagos still tey be di best place for pipo wey wan invest for Nigeria, because of beta […]
Say nor be small drama on Wednesday night for Allianz Arena for Germany, wia Bayern Munich beat Real Madrid 4–3 to qualify 6–4 on aggregate for Champions League semi-final against PSG. Madrid start di match very fast, as Arda Guler score just under one minute and later add another goal from free-kick, while Kylian Mbappe also score to give them strong fight. Bayern answer back through Harry Kane and other team efforts to level di tie and keep pressure on […]
Iran military don sama warning say dem go block trade for Red Sea, Gulf, and Sea of Oman if US naval blockade on Iranian ports continue. Military commander Ali Abdollahi and Iran central command na im tuk dis one for State broadcast. According to di senior men, US dey create cause problem for Iran ships and oil tanker movement, and dis sef violate dia ceasefire agreement. Military commander Ali make clear dat dem ma ready to protect dia national interest […]
For Nigerian Army side, dem don bury Brigadier General Oseni Braimah, Captain Ismail and oda soldiers wey die for recent attack for Borno State. Dem do di burial for Maimalari Cantonment Cemetery for Maiduguri with full military honour. Na on April 9, fighters wey dem suspect say na Boko Haram and Islamic State West Africa Province attack soldiers for Benisheikh along Maiduguri-Damaturu road, kill di officers and men. Big people like Babagana Zulum and Christopher Musa show face for di […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
